Jayaram US Open quarterfinal tongogo

El Monte, July 08 (Agencies): India nunger Ajay Jayaram aser Anand Pawar naprongi pei asaya koka asayaba sülen tena tsüngda tang tasayadak US Open Grand Prix badminton asayamong tebur singles quarterfinal asayatsü jenjang tanü, Hokolbar nü nguogo.
Tan asayamong nung 4 buba jenjang abener, Jayaram-i points 21-11, 21-15 agi Portugal nunger Pedro Martins tsükdaktsü aser Pawar-ia points 21-10, 21-13 ngua külem sensopur, Pratul Joshi madak pre-quarterfinal asaya akok.
Tebur doubles asayar, Manu Attri aser B Sumeeth Reddy natia minute 39 nung points 23-21, 21-13 ngua, Japan nunger Kenya Mitsuhashi aser Yuta Watanabe na pre-quarter asaya nung tsükdaktsü.
Tenati Japan nungersa, Takuro Hoki aser Yugo Kobayashi na den quarterfinal asayatsü lemzükogo.
Külem sensotsür, S Poorvisha Ram aser Meghana Jakkampudi natia points 21-16, 21-6 agi Poorvisha aser Meghana na tsükdaktsüba sülen America tsür, Ariel Lee aser Sydney Lee na den tetsür doubles quarterfinal asayatsü jenjang ngua liasü.