JCC-i ULB elections atema senden ka ayonger

Dimapur, January 18 (TYO) : ULB elections dak sendakba onük jembitsü atema Joint Coordination Committee (JCC)-i January 20 nü Dimapur district nung GBs Association, Dimapur nung colony chairman tem, Arogo lennirtem, Pastors, ENPO, DUCCF dena JCC nung züngsema alirtem ajak külem senden ka amentsü ayongzüker.
“Sendenji anepdang 10:00 ako nung Lotha Hoho Ki, Dimapur nung agitsü. Bodbarnü senden ka amendang iba telemtetba agi, anungji tetshia alirtem ajak arua adentsü mepishia metetdaktsür,” ta JCC convenor, Sobu Jamir aser secretary, Rainbo Lotha nati sangdong ka nung ashi.
“Maneni, ULB elections nung tokteptsü atema tenüng agüja alirtemi Naga nunger taginüba angateta pei tenüng meyipa agiba atema JCC-i pelaba metetdaktsür. JCC ya anemer ka masü saka Naga nunger temeten kümzüka ayur ka lir,” ta JCC mendenpurtemisa sangdong nung shia lir.