JCILPS-i Manipur nung ILP longkak aittsü

Imphal, July 09 (Agencies): Manipur nung Inner Line Permit (ILP) inyakyim atema takhangba agütsür teloki, iba inyakyim takhangba agüja yimya tasen ka nung longkak aittsü, ta sangdong.
Joint Committee on Inner Line Permit System (JCILPS) Convener, Arjun Telheiba-i, iba onük atema Manipur nung kin balala lenirtem den jembitsü, ta metetdaktsü.
Yashi Manipur nung taoba mapang ILP takhangba agütsüdang asür, S. Robinhood sür küm ana ajungba anogomung munga liasü.
Arjun-isa, “Chief minister N. Biren Singh-i Churachandpur district nung aliba tribal tem dang tatok meshibaji yimtenren nung tajangzük angutsü nükjidong nung lir. Iba onük nung sangdong magütsüdang pai kodanga jilia JCILPS den mejembi,” ta metetdaktsü.
ILP takhangba dak sendakba nung Manipur assembly-i anti-migrant bills asem agizük saka linük Tiri bill ka dang agizük aser anabo meyipa agutsü.
Item bill asem anema longkak aitdang Churachandpur district nung tribal nisung 9 tashi süogo.
ILP inyakyim ya Mizoram, Nagaland aser Arunachal Pradesh state tem nung lir, kong lisopur masürtem arutsü nokdanger.