JCILPS-i taruba ita nung non-Manipur nunger mittsü

Imphal, Monupii (May) 8 (Agencies): Taruba ita nungi Manipur nung non-local temi kuli agütsütsüla mesüra state toktsür aotsüla ta Joint Committee on Inner Line Permit System (JCILPS)-i metetdaktsüogo.
Joint committee on Inner Line Permit System (ILPS) ya Manipur nung ILPS tenzüktsü takhangba agütsüba teloktemi tentetba telok ka lir.
JCILPS nung kaketshirtem kongsangi ki kiburtem dang non-locals maniokdang tamasa parnok indang kuli reprangtsü atema mepishia metetdaktsü.
Manipur-i non-locals aruba noktangerba masü saka bendangertem aruba ajanga lisopurtem nem timtem agütsüba noktangtsü atema iba mapa inyaker, ta JCILPS katetshir lennir Manjit Sarangthem-i ashi.
Talisa, Manipur nung shishilembatsü atema arur ta sür arurtemi auyaba, tetsür dak tashiyim agi shi nung medemba aser tim mesüi kongshiba tatalokbatem ajurur aser parnok iba sülen samadoker, ta Manjit-isa shisem.