JCPI den telok balalai India President dangi shidi zülutsü

Dimapur, February 2 (TYO): February 2, 2019 nü Hotel Tourist Lodge, Dimapur nung Joint Committee on Prevention of Illegal Immigration (JCPI)-i kin hohotem, lokti tentet aser CSOs den külem senden ka amen.
Senden nung adenertemi State Committee on ILP ajanga Nagaland nung ILP system tajungba kümdaktsütsü atema inyakba atema pelaba metetdaktsü.
ILP Committee-i state sorkar nem osang sangoktsütsü atema anogo 7 (tenet) meshilok. Iba nung ILP inyakyim kübok Dimapur district dendaktsütsüba onük dena lir. Anungji, ILP Committee nem February 6, 2019 tashi mapang agütsütsü aser iba tashi nung mapa meinyakra JCPI-i kechi junger ta bilemdir inyaka aotsü ta tanü senden nung adenertemisa telemetba agi.
JCPI-i ashishitep aketba CAB tebilemtsü anema mapa inyakba atema senden nung adenertemi tenüngsang agütsü aser JCPI den kin hohotem, CSOs aser lokti tentettemi India President dangi tekaratiba nung CAB indang Joint Memorandum ka zülutsü telemtetba agi.