JCPI-i Abhishek-i aniba luden ajuru

Kohima, Mongputeni/October 04 (TYO): Tanü Kohima nung JCPI-i ILP/BEFR atema Abhishek-i aniba Committee ajurua JCPI-i onüktem agutsüogo, ta JCPI media cell-i sangdong ka nung metetdaktsü.
JCPI-i mezüngbuba osangji taoba Chief Secretary nem Luroi/August 18, 2018 nü agüja liasü.
O lemtepba mapang nung Commissioner & Secretary, Abhishek Singh, IAS-i JCPI dang, ozüng alema bendanger arua aliba dak sendakba onüktem ajakji lenla ajungalen nungi reprangtsü, ta metetdaktsü.
Paisa, Committee indang interim report ji Committee tentetba sülen anogo 15 tsüngda sorkar nem agutsüogo aser tatembangbuba report ji ita ana tsüngda agutsütsü, ta metetdaktsü.
JCPI-i maneni, Dimapur ji ILP inyakyim küboki aitdaktsütsüla, ta nenshia metetdaktsüogo.