JCPI-i June 7 nü senden ayonger

Dimapur, June 3 (TYO): May 18, 2019 nü JCPI-i Tourist Lodge hotel, Dimapur nung senden ka ayonga amendang lemtetba ama June 7, 2019 anepdang 11:00 ako nungi Tourist Lodge Hotel, Dimapur nung senden ka amentsü osang nenshia metetdaktsüogo.
Taoba senden nung TPO (Tenyimi People’s Organisation), ENPO (Eastern Nagaland People’s Organisation), CNTC (Central Nagaland Tribes Council), KIN (Kuki Inpi Nagaland) aser KTCN (Kachari Tribal Council Nagaland) teloktem den CAB onük asoshi shisalemsateptsü telemtetba ka agi.
TPO, ENPO, CNTC, KIN aser KTCN teloktem dang June 7 anogo ayongba senden nung adentsü pelashishia jaoker, ta Media Cell, JCPI-i metetdaktsü.