JCPII aser SCII-i CAB senden nung madentsü ayongzüker

Dimapur, January 30 (TYO): Joint Committee on Prevention of Illegal Immigration (JCPII) aser State Committee on Illegal Immigration (SCII) Media cell sangdong ka nung ashiba agi, January 31, 2019 nü state sorkari Chumoukedima nung CAB atema senden amentsü ayongbaji tejak meiba mapa ka dang lir.
CAB ya Lok Sabha nung agizükadokogo anungji state sorkari iba tebilemtsü atema tangatetba khenyongi balaka melenshibaji tejak meiba mapa ka dang lir. Talisa, Chumoukedima nung senden amentsü ayongbaji tenüng tajung agitsü atema nüngdak maliba inyakyim ka lir, ta Media Cell sangdong nungsa shia lir.
Sorkari ozüng amertem aser ketdangsübaren nung mongintem ta züngshirtem yoka tesentepertem mesüzüktsü merangtsü, saka kin hoho lennirtem ya mashi memetetertem masü anungji parnok malangtsü. Iba senden ya nüngdak mali anungji shinga madentsüla. Kechi komar ka südir süang, senden nung adenertem dang kulikaket mashi ka nung sign süang ta shira masütsü mepishir, kechiyong parnok adenbaji state sorkari parnok posema nungiter ama züngshitsü, ta JCPII aser SCII-i metetdaktsü.