JD (U) state units 14 kü den lir: Sharad Yadav

New Delhi, August 13 (Agencies): JD(U) lenir, Sharad Yadav-i state unit timba ka pa den lir, saka party Tir, Nitish Kumar pusemertemjibo Bihar kija nung lir, anungji chichiba party ji par telok lir, ta metetdaktsü.
Yadav-i aniba telok nungji Rajya Sabha MP ana den National office-bearers kar dena lir aser state unit 14 nungi Tirtem densema lir, ta Yadav den atongsema inyaker, Arun Shrivastava-i metetdaktsü.
Tawa Kumar-i Yadav party general secretary menden nungi anendakja liasü.
Osangbenertem den jembidang Arun-i, “Onoki party metoktsütsü. Nitish Kumar-ibo Party ji Bihar adenerbo mali ta jembiogo. Süra pai Bihar nung party tasen ka tentettsüla. Linük tesem aika nung aliba party, JD(U) ya pai agitsü memerangtsüla,” ta ashi.
Tang Bihar nung Kumar anema raraba nung Rajya Sabha züngsem ana- Ali Anwar Ansari aser M P Veerendra Kumar nati Yadav pusemdar.
Yashi JD(U)-i Yadav Rajya Sabha nung Parliamentary party lenir menden nungi anendaktsüogo.