JDU-i Legal Notice ka agütsü

New Delhi, Luroi/August 21 (TYO): Nüburtemi meteta alitsü atema JDU-i party Advocate ajanga August 19, 2019 nü President, NDPP, Nagaland, Chingwang Konyak aser Nagaland Minister for Agriculture, G. Kaito Aye na nem Legal Notice agütsü (anogo 30 tsüngda meyiptsütsü atema), ta JD(U) Coordinator (Publicity & Program), Mohammad Nisar-i metetdaktsü.
Iba Legal Notice ya June 24, 2018 nü Nagaland Chief Minitser lia JDU Nagaland Unit-i NDPP den loktep, ta NDPP-i jembiba aser iba sülen tatalokbatem den sendaktepa lir, ta kasa sangdong ajanga ashi. “Yazü jembirtemi nüburtem dang osangkakettem aser electronic media ajanga tatok meshitsü atema JDU-i maongka agütsür; yamaji mesüra parnok anema legal inyakyim amshia inyaktsü,” ta kasa sangdong ajanga metetdaktsü.