JDU Nagaland-i sashia aitsür

Dimapur, July 29 (TYO): July 28, 2019 ayatrem nung Lower Agri Colony Kohima nung President JDU, Nagaland aser Chairman, NEEC, JDU, NSN (Senchumo) Lotha’er nija kidang kecha kuli makaai pa indang gari raksatsüba tatalokbaji Janata Dal United, Nagaland-i sashia aitsür, ta JDU Nadaland sangdong ka nung metetdaktsü.
“Wb. Lotha ya kanga tongtibang nisung ka aser yimjung meimba lenir ka lir, anungji pa mesüra par kibong mesüra poa ameyong kiojen raksaja amokmerenbaji tim masü. Pa ama yimjung meimba yimtenren party ka nungi lenir ka anema inyakbaji senso tajaung ajaki aitsütsü atetemsü,” ta sangdong nung shia lir.
“Anungji tim ketdangsertem dang takoksa anguri agütsüba FIR atema inyaktsü aser aiabenelerji ozüng matsüngdangi anir arua tansütsü atema tapet temerenshi agütsütsü onoki akhanger,” ta kasa sangdong nung shia lir.