Jeff Goldblum-i ‘Jurassic World 2’ nung shilem agitsü

Los Angeles, April 20 (Agencies): Actor Jeff Goldblum-i “Jurassic World” sequel nung shilem agitsü.

Arishi küm 63 Jeff-i ‘The Jursasic Park’ nung Dr Ian Malcolm ama shilem agia liasü, aser pai, tang pa atema kishi lapoka lir ta shiogo, ta Digital Spy osang ajanga metetdaktsü.

Goldblum-isa, “Ni medenaka parnoki kanga junga inyakdar,” ta ashi.

2012 küm disaster drama “The Impossible” direct asüsang Spanish director. JA Bayone-isa scienticic fiction film, ‘Jurrasic Park’ tasenba direct asütsü.

Iba film mezüng direct asüsang Colin Trevorrow-i Derek Connolly indang teyari agia film otsü tasenbaji zülutsü.