JeM tongti, Masood anema ken o benoktsü temelaba agutsüogo

New Delhi, November 28 (Agencies): Taküm January ita nung kiralongrartemi Pathankot amakba ken o nung Pakistan nung amenoka aliba kiralongrar telok, Jaish-e-Mohammad (JeM) tongti, Maulana Masood Azhar den tangar asem anema ken o benoktsü atema tanü Union home ministry-i National Investigation Agency (NIA) nem temelaba agutsüogo.
Osang ajanga ashiba agi, Home ministry-i Unlawful Activities (Prevention) act, Explosives Act kübok section 18, 20 aser 28 den Indian Penal Code kübok section balala nung Azhar den pa adianu, Abdul Rauf aser tamaker- Shahid Latif aser Kashif Jaan nunger anema ken o benoktsü NIA nem temelaba agütsü.
NIA osang nung ajemdaker ketdangsertem osang ka ajanga ashiba agi, “Air Force sepaitem tepsettsü aser oset raksatsütsü nükjidong nung January 2016 mezüng hopta nung Pathankot nung aliba IAF base amaktsü atema Azhar-i sentong yanglu.”