Jena orr bushia aliba nisung ka apu

Dimapur, Rongjui/September 26 (TYO): Ango shishilembar Mantu Mahato-i, Kohima nung alir ka dang nungi sen lakh 6 meshir jena aoba tashishiba ka 18/06/2019 nü North Police Station nung benoka liasü. Tashishiba agizükba sülen bushitsüngdang tenzük aser aija alisang ya Shillong, Meghalaya nung lia aliba putet.
Iba dak ajemdaker Kohima North PS nungi police team ka 21/09/2019 nü Shillong-i ao. Aija alisang anenzüka aliba tesem jung junga asadangba sülen local police teyari nung 24/09/2019 nü pa pua liasü. Pa ya Bihar kübok Mirzapur, Saran yimtsüng nung alir Yugal Mahato’er jabaso Mantu Mahato ta jangjaogo aser maneni ken o bushitsüngdangtsü atema Kohima-i anir aruogo, ta DEF, Kohima PRO sangdong ka ajanga metetdaktsü.