Jenjang aketba Ango agi yangluba chiyongtsütem inyakyim

– ATMA, Mokokchung.

Yak-yakta yoktettsüsa lenmang sadema maliba timtem ajanga, asen ango mesür aluyimertem takoksa jenti ajurur. Saka terizüngba yimya tapu balala amshia ango ya renema yanglutetba, koba dang ‘value addition’ mesüra ‘preservation’ ta-a ajar, iba ajanga iba takoksa ya ajemdaktsütsü akoker. Anungji asen ango mesür atema ‘value addition of fish’ mesüra ango dak aketba jenjang tudaktsüba inyakyim ya kanga tongtipang maparen aser onük ka lir.
Preservation inyakyim ajanga ango dak koba teyari mozü tashi ka lir, iba ‘Nutritive Value’ ji mesamadaktsüi rizünga kümzüka yangluteter aser mapang talangka yua asen nüngdakba mapang nung agizüka chitetter.
Ango ya amino acids, fatty acids, vitamins aser minerals aketba tongtipang chiyongtsüka lir. Tanü asüng neburtemi shi melena ango tali sapuba ajanga fish industry ya kanga züina odagi. Ano asen putu nung asen neburtemi dang masü saka tongtipangsa bendang lima (India aser abroad countries) neburtemi ango terinemjem chiyongtsütem koba amshiba ajanga nübu aser mapang kümzüker, item ango chiyongtsütem (Ready to Cook) ya kanga dang sapua amshiba ajanga, value addition, preservation aser processing inyakyim ya kanga tongtipang kümogo.
Ango agi chiyongtsü tapu balala yanglutetba agi rongsenketsüng renlokdaktsür. Iba maparen ya tongtipangsa women Self Help Group temi kanga takok ngua inyaktetba asen lima tesem aika nungi report süogo. Value addition ya tetsürtem tongtipangsa tekübok jenjang nung alir atema teyari tajung ka lir.
Ango amshia chiyongtsü tapu aika yangluteter aser itemji ango telonglong (fish ball), ango cutlet, ango pickle, temeyong ‘ngo (fish finger), ango cookies, ango soup etc.

a) Ango Telonglong (Fish Ball)
Ango menünger telong telong küma yangluba chiyongtsü yangluba dang ‘Fish ball’ ango longlong ta ajar. Ango rongtong len teret maliba ‘ngo mesüra teret maten dütsüh (fish meat) kisüng agi tajungba yangluteter. Ayong temerük nung apuba ‘ngo- Rohu, Catla tem dak aketba teret temji machine balaka nung menünger, ano mechanical strainer senzüktsü yimya palaka nung senzüker iba fish ball ya yanglur.

Ango telonglong yanglütsü yimya; Tenüngdaktsütem (Ingredients)
1. Ango dutsüh (Fish meat)    –    1 kg
2. Metsü (salt)            –    25gm
3. Vegetable oil         –    200 ml
4. Milk Powder             –    20gm
5. Chilly Powder        –    10 gm
6. Eggs            –    2 nos.
7. Wheat flour            –    100 gm
8. Bread crumbs        –    200 gm
9. Pepper Powder        –    5 gm
Yanglutsü yimya (Method of Preparation)
Ø    Ango kolakji alangdoker, poknüng sadoker, temangji tzü nung metsü tera inoker merüka shidokjang.
Ø    Teret den pila-a dütsüh (meat) mela-mela-a okzüktetsüsa ango mangji tzü tatsük nung minute tershi metaar, dütsühji balaka okzükang.
Ø    Pei-i aginüba yari metsü ango dütsüh denji meyokteper grinder nung ango dütsüh ji amo- amoa menüngsatsü.
Ø    Milk powder aser chilly powder den ango dütsüh ji jung junga mhezütepang.
Ø    Aji sür telong telong (2-3 cm in diameter) menokang.
Ø    Entsü den ‘Flour Powder’ na ajepteper iba nung angolong ji ahrema ia metenshiang, aji sür ‘bread crumbs’ (amtsük temenou) to peroklokang mesüra iba manungji longshidakjang.
Ø    Totzü pou tsüka tongdaka aliba nungto ‘Pepper powder’ inoker telongji mamen tashi medium flame nung asangtsüla. Agiteter tangu longa chidangang.

b)    Ango pickle (Fish pickle)
Tenüngdaktsütem (Ingredients)
1.    Ango dütsüh (fish meat)                –    1 kg
2.    Jibijang (Mustard seeds)              –    20 gm
3.    Mersü tajem (green chilly)           –    100 gm
4.    Losen (garlic)                    –    100 gm
5.    Süngmok shensaba (Ginger)            –    100 gm
6.    Chilly Powder                    –     50gm
7.    Turmeric powder (Haldi)                –    20 gm
8.    Vegetable oil                    –    200 ml
9.    Vinegar                        –    700 ml
10.    Metsü (salt)                    –    40 gm
11.    Pepper powder (Kaali Mirch/Gol Mirch Powder)    –    5 gm
12.    Curry leaves                    –    10 gm
Yanglutsü yimya (Method of Preparation)
Ø    Ango dütsüh (teret maten) agizüker tilala lensa-ang (1-2 cm) tasazük.
Ø    Turmeric powder aser metsüh den mezüteper gondha anashi medena yuang.
Ø    Vegetable oil nung ken rhoang (fry). Ajungzüker ken yujang.
Ø    Green chilly, ginger, garlic aser curry leaves (süngshi tuo) ajak külemi menüngang/sensaang. (nenyaa akümtsü).
Ø    Vegetable oil tatsük nung minute ishika, menüngdena akhaba to rhoang. Aji sür ano ‘chilly powder, pepper powder, jibijang menünga aliba ajak to inoker lhushia ken rhoang.
Ø    Iba sülenjiang vinegar shiokang aser ken jadakjang, aji da alidang rhoa aliba ango to inoker minute ter (10) shi nembanger yujang. Ajungzüker mokongdakjang (cool to room temperature).
Ø    Temerüktetba pongtong (sterilized glass bottles/plastic bottles/pouches amala pongtong) nungji tsüngang (packing).Tebanglen lon manungji totzü tera yalonga züoker akanga mepong meidaktsüi nembangang.
Ø    Aji sür ken mokonga  yuang. Ibai terinemjem ango pickle.