Jennifer Aniston-i Emirates den US sen million 5 tezüngzüktep agi

Los Angeles, August 12 (Agencies) : Actress Jennifer Aniston-i airline company Emirates den US sen million 5 indang tenangzüktep agiogo.

Emirates den tokteper Etihad Airways-i actress Nicole Kidman parnok advertisements nung shilem agitsü atema aniokba sülen Emirates-i Jennifer Aniston den tenangzüktep agi.

“Jennifer Aniston-i Emirates atema advertisement ka nung shilem agitsü atema $5 million shi aazüktsü. Alima ajungalen la TV aser print advertisement nung adoktsü” ta NY Post Page Six osang ajanga metetdaktsü.

Jennifer ya tang la kinungbo tasen Justin Theroux den Bora Bora asetkong nung mungdar.

Tan ita tetenzüklen tena Bel Air mansion nung kinüngertem aser medemertem tsüngdang kiyimba sentong agiba sülen Bora Bora asetkong nung honeymoon amungtsü atema ao.