Jennifer Lawrence-i asür Zelda Fitzgerald jilu ia shilem agitsü

Los Angeles, October 22 (Agencies) : Hollywood nung nüngtugu actress Jennifer Lawrence-i film ka nung asür Jazz Age mongin Zelda Fitzgerald indang shilem agitsü.
Iba film ya Ron Howard-i direct asütsü aser film tenüngji ‘Zelda’ lir.
Ron-i director mapa tuluka inyaktsü sentong lir aser iba film nung Jennifer Lawrence-ia producer rongnung ka ama shilem agitsü, ta hollywoodreporter.com ajanga metetdaktsü.
Zelda ya kaketzülur F Scott Fitzgerald den kibong aküm aser pai laji akasodaktsür nisung ka aser pa den tetokteper tulutiba ka ama züngshi.
Jennifer indang tesüsabuba film ji taküm küm tetenzüklen sayaba superhero film ‘X-Men: Apocalypse’ liasü. Laisa Chris Pratt den romantic sci-fi thriller ‘Passengers’ nung shilem agitsü aser ano tenüng memetetdaktsüi aliba Darren Aronofsky indang film ka nunga tongti shilem agitsü.