Jennifer Lopez-i lar tanur ana dang kidang kaket shisatsü sayur

Los Angeles, June 18, 2016 : Kentener aser actress Jennifer Lopez-i, ni alima tesem balalalen mapa atema jajadang tanurtem school nung timba ka medenteter anungji ni parnok dang kidang kaket shisatsü sayur, ta sapoka shiogo.
“On the floor” ken kanga nüngtugu süa tentetla, Lopez-i, kidang lesson bushidaktsüba ya ozü tanur arishi küm 8 tain, jakrep ana atema kanga tajangzük lir, ta ashiba femalefirst.co.uk osang ajanga metetdaktsü.
“Parnok kanga pelar, ajak den liromedemteter, ajak meimer aser kanga anepalu lir. Ibaji ajak dang nungi tenüngdakba lir. Parnok dang kidang sayutsü. Nüngdakba mapangbo kidang lesson bushiba ya parnok asoshia jangratemtsüka lir,” ta Lopez-i Fox 5 channel dang ashi.
“Ajak dang tongtibangtibaji parnok tetsü den lir-ibaji ajanga parnoki tsüraburi sentoka mali ta bilema tasü itshir,” ta lai shisem.
Lai tanurtem nem kidang kaket shisatsü tesayuba agütsüba ya aikati mebilemdangi inyaker ta jembir. Ajisüaka lai item taitsübatem nokdangtsü lenmang ngutetogo ta ashi. Tanur ana ya arishi küm 46 tain, Lopez-i aser la tang balar alisang kentener Marc Anthony na chirtem lir.
“Tanurtemji school-i yoktsüla. Tanurtemi medemer nüngdaker aser parnoki na kanga amzüktsü,” ta tangari kü dang kanga ashir ta Lopez-i ashi.
Ajisüaka Lopez-i la aser la chirtem kodanga tamongdak ka mongmonga melitettsü ta angateta lir kechiba süra la mapa agi ajidang.
“Asen taküm ya asenoki leniba ama malir. Ni ozü tanurtem den külemi liner,” ta lai ashi.