Jerome Champagne-a FIFA Tir atema tokteptsü

Paris, October 23 (Agencies): Taoba mapang FIFA nung deputy secretary general inyaksang France nunger, Jerome Champagne-i, Febtuary 26 nü agitsü aliba FIFA Tir election nung pa-a tokteptsü, ta Hokolbar nü sangdongogo.
Champagne-i, “Ni kanga temulungtetba tulu nung aser kanga akümtsübua FIFA Tir election nung tokteptsü asoshi nenok dangi tanaben arur. Tesüiba ita ishika tsüngda tatalokbatem dak ajemdaker kü dak iba temulungtetba aru,” ta ashiba Efe-i metetdaktsü.
Champagne ya 1999 nungi 2010 tashi FIFA nung deputy secretary general ka ama inyaka liasü aser yaküm May ita nung FIFA Tir asoshi tokteptsü merangdang saka association pongui menungitba ajanga metokteptet.
Iba election atema nomination file asütsü taruba Hombar tatembang asütsü.
Tir menden asoshi Europe nungisa European football Tir Michel Platini, Jordanian Prince Ali Bin Al Hussein aser Trinidad & Tobago team nung captain David Nakhid nungera tokteptsü.