Jerusalem nung tekülem ki tasembuba yanglushitsü

Jerusalem, June 2 (Agencies): Israel nung International Department of The Temple Institute indang director Rabbi Richman-i Jerusalem nung Temple Mount yanglushitsü ta metetdaktsü.
1967 küm Israeli Brigade Commander Col. Motta Gur-i Temple Mount atsünga agi. Iba tekülem ki agiba ya Yihuda nunger atema kanga tongtipang liasü kechiyong, iba tesem nung Solomon chubai mezüng Yihuda nunger tekülem ki yanglu.
Ajisüaka, Iba tekülemji raksatsüba sülen ano tanga tekülem ki ka yanglu saka ibajia Roman nungeri 70 AD nung atsünga agi.
“Iba tekülem ki meyipa angubaji shinzüka aliba atalokba dang masü saka linük renloktsü atema tetenzüker ka lir. Iba ya Kotak nungi temoatsü ka lir aser iba ajanga Tsüngrem temeim jungkai adoka sayur. Pai nangzükba ama inyaker ta kuli agütsür” ta Rabbi Richman-i ashi.
“Knesset (Israel parliament) nung teti Temple Mount nung Yihuda nunger sarsademtsü atema temeten indang jembir. Knesset nung züngsemtemi Holy Temple yanglushitsü indang jembir aser iba atema Institute-i blueprint ka renemogo” ta paisa shisem.