Dimapur, November 1 (TYO) : Osang tejangja kar angazükba sülen police-i Deobar nikongtsütsü 1:30 ako meta Jet Airways tenüng nung interview agir nisung pezü apu.
Tanga state nungi aruba nisung pezü jagi hotel ka nung Jet Airways tenüng nung interview agia liasü aser parnok ket nungi Jet Airways indang appointment letter, blank appointment letter aser rubber seal nungertem ngutetogo.
Police-i apuba nisung pezüji Saurav Mehra (32), Chamanlal (35), Manoj Sachdeva (32) aser Deepak Suri (38) nungertem lir aser parnoki nisung külakoktsütsü atema tiyazü nung Jet Airways tenüng amshiba nangzükogo. Iba dak sendakba nung police-i bushisüngdangtsü tenzükogo.
Jet Airways tenüng nung taila interview agir 4 apu added by nungsang on
View all posts by nungsang →
You must be logged in to post a comment Login