Jet Airways totzü peria mali Trivandrum Airport nung anen

New Delhi, August 21 (Agencies): Jet Airways tayimtsü ka nung passenger 142 aser crew züngsem 8 mener Doha nungi Kochi-i aoba mapang totzü peria maliba ajanga Trivandrum airport nung anendang lendong nungi tera agi jenbuogo, ta osang ka ajanga ashi.

Iba tatalokba asoshi iba tayimtsü pilot anaprong pei mapa nungi anentsüogo.

August 18 nü tatalokbaji bushisüngdangtsü atema directorate general of civil aviation (DGCA)-i Aircraft accident investigation bureau (AAIB) dang tuyuogo.

JetAirways tayimtsü nungji totzü seret 1500 bo alitsüla, ajisüaka Trivandrum airport nung anenba mapang Boeing 737-800 tayimtsü nungji reserve totzü seret 270 dang liasü.

“Trivandrum airport nung tsüngsang mejungi liasü, aser pilot-i pezübenbuba merangba mapang nungang anentet, iba dak alia commander-i anasatiba airport, Bangalore nung anendaktsütsüba ser nung Trivandrum nungang anendaktsü,” ta kasa osang ajanga ashi.