JHADC nung Congress-i NPP-i aniba EC pusemer

Shillong, Aami (June) 22 (Agencies): Jaintia Hills Autonomous District Council (JHADC) nung Moonlight Pariat-i aniba executive committee loksaba sülen Sohmynting nungi National People’s Party (NPP) MDC Khliehtyrshi Madonbai Rymbai chief executive member (CEM) inyaktsü shimogo.
National People’s Party (NPP)-i aniba Jaintia Democratic Alliance (JDA) tentet aser iba nung Congress MDC 8 dena lir. Züngsem 23 agi akümba JDA nungsa NPP MDC 11, UDP 3 aser BJP 1 lir.
Moonlight Pariat-i aniba executive committee nungi United Democratic Party (UDP) züngsem 3, Congress züngsem 8 aser Bharatiya Janata Party (BJP) züngsem 1-i madentsü ta lemtetba sülen loksatsüsa aküm.
JHADC nung iba inyakyim tasen inyakba ajanga UDP nung telemsa adokba sayur. NPP-i aniba Meghalaya Democratic Alliance nung parnok ya tongti teyariteper lir.
UDP MDC 10 nungi 7 opposition tsütsü dena lir aser parnoki JDA-i aniba executive committee pusemba ano memetetdaktsüi lir.
“Ni UDP MDC 7 dang EC yaritsü mepishir. Yamaji asü nungdang asenoki nübortem taginüba ama mapa inyaktettsü” ta CEM Madonbai Rymbai-i metetdaktsüogo.
2014 küm senotsü ochimashi amshiba ken o ka adokba sülen Rymbai-i JHADC tanishir menden toktsütsüsa aküm.