Jhajharia-i IPC World Athletics silver agizükogo

Doha, October 27 (Agencies): India’er temaba jenjang nung alir para-athlete, Devendra Jhajharia-i tebur javelin throw F46 tetoktepba nung tanabuba jenjang ngua silver medal agizükba sülen tang tasayadak IPC Athletics World Championships nung India asoshi medal agizüker mezüngbuba asayar tanü Mongolbar nü kümogo.

France kübok Lyon nung 2013 küm ayongba World Championships nung gold medal agizüksang, arishi küm 35 tain Jhajharia-i javelin 59.06m mereptokteta tanabuba jenjangji angu.

Kasa shilem nung China nunger Guo Chunliang-i javelin 61.89m mereptoka gold medal agizük.

Tanü silver agizükba ajanga Jhajharia-i sangküm, 2016 küm asayatsü ayongba Rio Paralympic Games nung shilem agitsü jenjang angur lir.

Tan October 22 nü nungi tenzüka asayaba Athletics World Championships nung India nunger asayar 15-i shilem agiba osanga jangjaogo.