Jhalak Dikhhla Jaa takok angur Faisal-i SRK sapur

Mumbai, October 11 (Agencies): Jhalak Dikhhla Jaa Reloaded takok angur Faisal Khan-i Shah Rukh Khan kanga sapur ta metetdaktsü.
Faisal-i celebrity tem – Shamita Shetty, Mohit Malik aser Sanaya Irani madak takok angu aser sen lakh 10 senpet den gari ka sempet angu.
“Kü indang idol ji Shah Rukh lir. Pa tangar tebur chanu ka den kasa liasü, TV nung shilem agitsü tenzük aser Bollywood nung Chuba kümogo. Meranga aser nendaka inyakba ajanga nisung kati takok tulu angutsü ta pai sayuogo,” ta Faisal-i osangbener dang ashi.
2012 küm Faisal-i Dance India Dance Li’l Masters takok anguba sülen nüngtugu aküm. Iba sülen pai television sentong Bharat Ka Veer Putra – Maharana Pratap nung shilem tajung agiba atema nisungtemi kanga sapua aküm.
Jhalak Dikhhla Jaa Reloaded atema tetendangertemji Bollywood actor Shahid Kapoor, taoba contestant Lauren Gottlieb aser choreographer Ganesh Hegde nungertem liasü.