Jharkhand nung Maoists 4 kahset

Ranchi, February 19 (Agencies): Brihostibar aonung tesü Ranchi anasa Nawadih arem arrtsülen Ghagrabeda yimtsüng nung security sepaitem aser Maoists na tsüngda kahtepdang tetsür ka densema telungpur pezü tepsetogo, ta Superintendent of Police (rural), Raj Kumar Lakra-i ashi.

Lakra-isa, iba rara nung police ana yirua tayimtsü ajanga Ranchi-i anir ao, ta ashi.

Iba arem nung telungpur jenoka aliba osang lazükba sülen district police aser CRPF senteper telungpurtemji amak, ta paisa ashi.

Asürtem ket nungjagi SLRs prangpong ana aser 303 rifles ana nguogo.