Ranchi, October 11 (Agencies): Jharkhand, Godda district nung Maoists telungpurtem den kahtepdang security sepai ana asüba sülen anogo ana lir tanep Latehar district nung Maoists telungpurtemi sorkar school ka poksatsüogo, ajisüaka iba lendong nung nisung shinga meyiru, ta police-i ashi.
Police-i ashiba agi, Ranchi nungi kilometer 140 shipilar aliba Serendag yimstüng nung Maoists telungpur 50 shii sorkar school ka lungbangba sülen bomb amshia school ji poksatsü. School kijibo raksaogo saka nisung shinga meyiru.
Osang ajanga ashiba agi, Maoists telungpurtem jagi iba school kiji security sepaitem nem mamshidaktsütsüla ta ameokmerena liasü.
Telungpurtemisa, district nung aliba school kar security sepaitem anenzüka alibaji mintoktsüla, ta amokmerenogo.
You must be logged in to post a comment Login