Jila nung alir nübur tia

– T. Imna, Longpong Ward.

Tenüngbo tajung jatsü, Tuli, Ctn, Chuchu, Mangko jila ta tenüngbo jatsü Ano kasa jila tem aika dang lir. Power Dept-i yimdong nung tesangwa mi long ka danga metsüloktsür. Nütsüng nüburi tesangwa maliba ajiteta lenti ki nung aliri yimdong tebur jungdaktsür. Pan dokan nung milong point ka atsüknunga T.C Town Commercial bill ta sür noklang 300/400 ita shia meshir. Lendi ki nung alir nübur temi yimti yimdong yamoka ayatsü meji tangatetba tajung nung 100(W) 200(w) tsüloktsür ajia Dept-i 5.watts 10.watts atsüktsü teduyuba agütsür süra bill bo küm shia tujen atur powerbo tilaba tilaba-i alutsü? Dept-i Mizüjibo (Transformer) nung totsüa meinokteter. Tatishitsü jila ka nung Mizüchibo 10 lir ward shia kaka amenoktsüa lir. Ward shi sen saruteber Tranfomer oil alia atsüker mesüra gari taa talang agütsür tanga jila-i totsü tebushi aor yamaji nüburibo Dept. den amma liteper aser yariteper. Akhidang asen lima Mizü arudang kilen yari Transfomer amenoka toktsü tanga Transfomer ji ibaji dang lir, kilen nütsüng yongsükbo timba teimba akümer, kodibo chibo nung jang tali süoktsüba ama asünung mizü chibo küm shia raksar.
Ajaki meteta aliba otsüka, Transformer ali nung amendaka ayu, pai tashi agi makok anokdena anokdena longreni mezüa aluba otsüa lir. Asenok nüburtemi long alenloker mizü nung peisasa mesüloker atsükba yimya ya kenyongi indoktsüla, Deptt-ia tensa den apet joka atep nung amshiba oset tem nüpuri amshitettsüsa tashi sadema agütsütsüla.
Ano jila nung alir nübur tia jila nung alir nübur atema sokar nung pangdak puri temzüng ozüng ka ama lateter jela nung alir nüpur atema teyari jenti agütsür, sorkar nungi ward yimden mesüra jila yimden dangi nütsüng nübur atema teyari arua lir, ibaji tekeratiba nung tenüng agüjang ta sokar nungi osang arutsü, jila yimdenibo sokar teduyuba ama nübur dang pa la indang kuli kakettem bendena sokar nem küm shia agütsür saka küm ka danga sorkar nungi onok jila nüburtem teyari mangur jila nung alir nutsüng nübur ya süjen oset ka ama mamshidaktsünür. Iba ya inyaktsü aser jembitsü asen Aor tashitemeteter jenti lir, anungji iba ya ken süioki yia nübur atema bilema inyakdaktsünüa asenok nübur tenüng nung lemsateper.