Jilia Reprangba – T.Ken 142: 1-7

Shingaia ongken nung meliner. Dawid Saul nungi jenshia lungpok nung okronga alidang iba ken zülu. Pa okronga aliba mapang, pai tetuyuba pezüsü nungi reprang.
Mezüngbuba, Dawidi telunglen reprang. “Kibuba dang kü ola agi ayimtener; ni Kibuba dang ola tulu agi mepishi. Ni Pa madang temulung masüba sayur; ni Pa madang kü timtem sayur. Kodang kü nela lular Nai kü lemang metetter. Ni jajatsüba lemang nung parnoki ni asoshi sang sua yutsü” (t.1-3). Pai telonglen reprang aser ashi, “Reprangang, ni timtem nung lir; ni ayimtener; ni lulaa lir”. Telungi ia reprangbaji khenkhen na asoshi tajung, saka iba nung mapang kanga teindok, mesüra na tasü meiti akümtsü akok.
Idangji Dawidi temeket reprang aser teyari angutsü yimla. “Kü teka tachichi reprangang, aser ajiang, kechiyong ni metetter nisung shinga mali: tejenokdak ni mali, nisung shiangaia kü nela asoshi mebilemtsü” (t.4). Nai yamaji bilemer asü ? Nai meküta repranger aser ashi, “Shingai meyarira – ajaki pei-pei khuret abener, aser shingai kü khuret lemsateptsü memelunger”. Ashiko iba tia nung nai tangar khuret asoshi bilemtsü nung parnoki nai bilemtsüba nung jangra atemtsü.
Telunglen aser temeket repranger kecha teimla mangu nung, Dawidi temalen reprang. “Ni ne dang ayimtener, O Kibuba; ni ashi, Na kü jenokdak, akümli nung Na kü shilem” (t.5). O tanga ka nung Tsüngrem, Nai kü tayimtenba angashitsü. Nai ni rishikangshir nungi kümzüktsü, parnok kü dang nungi tashi taitba lir.