Jim Carrey-i ‘True Crime’ atema bangsemo awar

November 30, 2015: Comedy actor, Jim Carrey asayamenü film tasenba, ‘True Crime’ tangok tenzükogo aser iba film atema pa bangsemo awar.

Arishi küm 53 Carey ya Krakow nung Alexandros Avranas indang thriller tasenba tangokba mapang bangsemo wazüker angu, ta Independent osang ajanga ashi.

‘True Crime’ film ya Poland nung temzüng alema aibelenba puti otsü ka lir aser film nungsa Poland nunger stars- Agata Kulesza, Maja Ostaszewska aser Robert Wieckiewiscz nungeria shilem agia lir.

Jim Carey ya 1962 küm January 17 nü Canada, Ontario, New Market nung aso, aser pai Golden Globe award anaben agizüka lir.

Pai shilem agia aliba film rongnung ‘Ace Ventura: When Nature Calls’, ‘Yes Man’, The Mask (1994), Dumb & Dumber (1994), Liar Liar (1997), Earth Girls Are Easy (1988), Pink Cadillac (1989) aser Dumb and Dumber To (2014) lir.