Jim Caviezel-i ‘Passion of the Christ’ nung maneni Yisu shilem agitsü

Los Angeles, Tsüklai (Feb) 1, 2018: Actor Jim Caviezel-i Mel Gibson-i direct asüba “The Passion of the Christ” film tasenba nung Yisu Khrista shilem agitsü atema jembidar.
Mel Gibson-i produce aser direct asütsü, ta The Hollywood Reporter osang ajanga metetdaktsü.
Arishi küm 49, Caviezel-isa küm 14 tejaklen asirshi küm 30 tema tain, Yisu Khrista shilem agia liasü.
Yaküm Mel Gibson-i, iba film ji 2019 küm tatemlen mesüra 2020 küm tetenzüklen tashi nunga merenemtsü akok, kechiyong iba project ya kanga tulu, ta metetdaktsü.
“Passion of the Christ” original film ya 2004 küm Newmarket Films-i sayaa liasü. Iba film yangludang US sen million 30 shi indok aser iba film ajanga US sen million 612 aazüka liasü.