Jimmy Kimmel-i Academy Awards sentong len anitsü

New York, December 6 (Agencies) : Jimmy Kimmel-i 89 buba Academy Awards sentong len anitsü ta osang tejangja metetdaktsüogo.
Kimmel-i tan mezüng atema Oscars sentong len anitsü. Taoba mapang pai Emmy Awards aser ESPN indang ESPY Awards sentongtem len aniogo.
“Hao, ni Oscars len anitsü. Iba ya asayamenü ka masü” ta Twitter nung Kimmel-i metetdaktsü.
February 26, 2017 nü agitsü aliba sentong ya producer Michael De Luca aser Jennifer Todd, Ben Affleck & Matt Damon na indang production company president, Pearl Street Films nungertemi produce asütsü.
Yaküm sentong nung Chris Rock-i menden shilem agia liasü aser iba mapang temesüng nisungtem nem dang sempet agütsüba atema tanak nisungtemi ashishitep ken o tulu ka adoka liasü. Kümshia nisung million 34.3 shi kati Oscar sentong repranger saka yaküm 11 buba sentong nung terepranger nisung tajemba liasü.
Arishi küm 49 tain Kimmel-i Emmy Awards sentong len anidang terepranger nisung million 11.3 shi kati reprang.
Taküm Oscar atema shima aliba film tem rongnung Moonlight, La La Land aser Manchester by the Sea tem dena lir.