Jio amshir shilem 90-i Prime shimogo

June 19, 2017 (Agencies): Osang ka ajanga ashiba agi, Reliance Jio amshir noklang nung 90 shilemi promotional Prime membership plan subscribe süogo.
Kasa osang ajangasa ashiba agi ‘promotional period’ tembangba sülena noklang nung shilem 76-ibo maneni Jio service sa amshitsü.
“Jio amshir shilem 80 ket nung Jio SIM ka dang lir….Shilem 90 Prime member lir aser shilem 84-i ita shia top-up atema Jio nem sen agütsüogo ta ashir,” ta iba osang ajanga metetdaktsü.
Parnoki ashiba agi, Jio amshir shilem 84 nung timba kati ita shi top-up jenjang 303 aser 309 tup-up atema Jio nem sen agütsüogo.
Jio-i top-up jenjang 303 aser 309 agi recharge asüba ajanga tamshirtem nem ita ka atema anogoshia 4G data GB1 agütsür aser iba plan kübok tanem makai o jembitettsü.
“Onoki bushisüngdangba nung ngutetba agi, bushisüngdang nung shilem agirtem rongnung shilem 5-i LYF phone amshir, shilem 40-i Samsung phone amshir aser shilem 7-i iPhone amshir,” ta osang ajanga metetdaktsü.
BoFAML-i June ita tashi nung Jio amshir tem angati service tembangba sülen parnok tebilemba aser tamshiba yimya asadangtsü asoshi parnok 1,000 nungi timelemba tem bendena asadanga liasü.
“Onoki ngutetba agi Jio amshirtem ya market ajunga nungibo masadang kichiyong iba bushisüngdang ya tomta nung aser jenjang temaba nung aliba nisungtem online ajanga bushisüngdanga liasü,” ta bushisüngdangertemi ashi.
Telecom regulatorTrai ajanga tawa sangdong ka nung ashiba agi, April ita tashi nung Jio amshir million 112 liasü.
Bushisüngdang nung shilem agir parnok shilem 68 shi-i ashiba agi, parnoki parnok telecom operator tem den jembitepba sülen shilem 10 nungi 40 tashi tariffs dalangba agi angur.
“Indian telecom company rongnung Bharti Airtel sa onok atema tesapuba lir kechiyong iba ajanga high-end nung Jio den tokteptettsü aser low-end nung tali ajangzüktsü,” ta osang ajangsa ashi.
Jio amshir shilem 41 shi-i tang tashi tanga network den o jembitsüba nung timtem ajurur aser iba timtem ya meyolongi tajungba akümtsü imlar.
“Onoki Jio-i coverage tajungba kümdaktsütsü asoshi sites tali amenoktsü imlar. Jio-i taruba ita 12 tsüngda nung site lakh 2 amenloktsüba metetdaktsüogo koba tanga tashi nung lakh 1.1 lir,” ta kasa osang ajangasa metetdaktsü.