Jio-i Hornbill Festival 2019 nung yariteptsü

Dimapur, November 29 (TYO): Hornbill Festival 2019 nung IT, Tourism aser IPR department tem den Reliance Jio Infocomm Ltd-i digital partner ama yariteptsü.
Iba benjung nung Jio-i tesem balala nung free WiFi booths yua data connectivity agütsütsü.
Taoba küm asem tashi Jio-i Hornbill Festival ajungkettsü atema Nagaland sorkar den tesentaktep yur inyaksangshia arur.
Kümshia Hornbill Festival tuluba aser nüngtuguba akümer aser alimai meteta kümogo. Iba benjung nung alima tesem balala nungi tourist tem arur. Taküm-a Digital Partner ka ama Jio-i free WiFi service ajanga internet connectivity tajung agütsütsü.
Yaküm parnoki Jio Chat mobile app ka tenzük aser iba ajanga alimna tesem balala nungi nisungtemi Naga Heritage Village, Kisama nungi live streaming, video clips aser photographs angu.
Jio-isa Naga Heritage Village- Kisama aser Agri Expo Dimapur nung Net Login Banners ayu aser iba ajanga nübortemi voice calls aser free data amshitet.
Taküm-a Jio-i Jio TV nung anogo 10 nü benjung live stream asütsü. Nübortemi Jio dak temulung alemba ajanga North-Eastern Region nung No.1 Operator by revenue (AGR) jenjang tongtetogo.