Jitu Rai-i ISSF Shooting World Cup silver agizük

Baku, June 25 (Agencies): India nunger prangpong toktepa kashishir, Jitu Rai-i taoba mapang Olympic champion 2 ben tashi akümsang, Korea nunger Jongoh Jin tsükdakja ISSF Shooting World Cup silver medal tanü, Honibar nü agizükogo.
Rai-i tebur 10m air pistol final asaya nung ajak agi points 199.5 ajangzüka tanabuba jenjang anguba sülen silver medal-ji agizüka liasü.
Kasa tetoktepba nung Brazil nunger Almeida Wu-i points 200.0 ajangzüka gold aser Jongoh-i ajak agi points 178.8 ngua bronze medal agizük.
Tan medal agizükba ya Rai-i taküm küm tenzüker medal tanabuba aser World Cup medal 6 buba agizüker lir.
Taoba tetsür World No. 1, Heena Sidhu-ia points 582 ngua qualification stage nung 5 buba jenjang ajangzükba sülen tetsür 25m pistol tetoktepba final-i iogo.
Azerbaijan kübok Baku nung ayongba World Cup ya taküm August ita 5 nü nungi tenzüka Brazil nung Olympics asayaba jakdang ayongba tatembangba prangpong tetoktepba lir.

You must be logged in to post a comment Login