J&K Angh-i Vohra-i Mongolbarnü PDP Tir Mehbooba jaoker

Jammu, February 01 (Agencies): Hombarnü Jammu & Kashmir Angh, NN Vohra-i Peoples Democratic Party (PDP) Tir Mehbooba Mufti dang Mongolbarnü pa ajurutsü osang metetdaktsüogo.

PDP Tir Mufti dangi yokba shidi nung Vohra-i la dang state yimtenren tensa indang o lemteptsü atema Mongolbarnü Raj Bhawan nung la ajuruang, ta metetdaktsü.

January 7 nü New Delhi, AIIMS nung taoba chief minister, Mufti Muhammad Sayeed asüba sülen hopta asem jungogo, ajisüaka tang tashi state sorkar tenteta mali.

Deobarnü taoba CM’er jala, Mehbooba Mufti-i party lenirtem dang, kecha telatetba makaibo chief minister akumtsü la renema mali, ta shiogo.

Mehbooba-i taoba mapang PDP aser BJP na loktepba mapang Centre-i state nung terenlok dak sentakba onük kar nangzüka aliba inyakdaktsüner.

You must be logged in to post a comment Login