J&K: Army camp nung sepai 18 tashi yiru

Srinagar, August 29 (Agencies): Jammu & Kashmir, Srinagar nungi kilometer 30 shi pila oor Pulwama district nung aliba army training camp ka nung tapoktsü ka apokba lendong nung sepai 18 yiruogo.
“Tanep Army Training Camp Khreu nung tia makai tatalokba ka nung army 18 tashi yiruogo,” ta army sangdong ka ajanga metetdaktsü.
Yirua alir ajakji Army Base Hospital ka nung yaridagi, ta kasa sangdong ajanga ashi.
Iba tatalokba bushisüngdangtsü asoshi ketdangsertemi tuyuogo.
Osangbenertem den jembidang Defence otongdar Col N N Joshi-i, yirua alir ajakji tayimtsü ajanga Srinagar, Badamibagh Cantonment nung aliba Base Hospital-i anir ogo. Tang tashi nungbo parnok ajak junga lir, ta ashi.
“Tapoktsü apokba tatalokbaji kechi ajanga’ar bushisüngdangba ajanga dang jangjatsü,” ta Defence otongdarisa ashi.