J&K bus lendong nung 11 asü, 20 yiru

Jammu, January 15 (Agencies): Hokolbar nü Jammu & Kashmir, Udhampur district nung bus ka ajuchir lenküboki ia tsükokba lendong nung nisung 11 asü aser 20 dak tema yiruogo.

Nisung 32-35 shi amenba bus ji Ramnagar jila kübok Basantgarh-i aoba mapang Kiya tesem nung tsükok, ta Udhampur Deputy Commissioner, Shahid Iqbal Choudhary-i ashi.

Iba lendong nung tetsür ka aser tanur ka densema nisung 11 asü aser nisung 20 shi yirua mozükidangi anir ao, ta paisa shisem.