J&K grenade lendong nung nisung 7 yiru

Srinagar, October 31 (Agencies): Honibar nü Jammu & Kashmir, Anantnag district nung telungpurtemi army gari ka nung grenade mereplokja ibaji lenmang nung apokba lendong nung nisung tenet yiruogo, ta police-i ashi.
“Anantnag district nung aliba Kangiwada Achabal bus station nung mejangjaba telungpurtemi army gari ka dak grenade bomb ka mereplokja ibaji lenmang nung apok,” ta police ketdangser kati osangbenertem dang ashi.
Iba lendong nung bus station nung alir nisung tenet tashi yiruogo, ta paisa ashi.