J&K highway lendong nung sepai 4 asü, 10 yiru

Jammu, June 09 (Agencies): Jammu & Kashmir, Samba district nung aliba highway nung gari lendong ataloka army 4 asü aser 10 yiruogo, ta Brihostibarnü Defence otongdar kati ashi.

Bodhbar aonung Jatwal nung aliba National Highway nung army gari anisangjagi gari mazüokteti tsükokdaktsü, ta otongdarisa ashi.

Sepaitemji rifle training drill atema aoba mapang iba lendong atalok. “Gariji Amritsar nungi Akhnoor-i aodang meküp,” ta pai ashi.

Iba tatalokba sülen kanga mazüngi aliba Pathankot-Jammu national highway ghonda ka shi mokdanga liasü.