J&K, Kulgam nung grenade agi CRPF 5 yiru

Srinagar, September 26 (Agencies): Hombarnü Jammu & Kashmir, Kulgam district nung telungpurtemi grenade bomb pokdaktsüba ajanga CRPF sepai pongu yiruogo.

Police-i ashiba agi, Srinagar nungi kilomteter 60 shi pilar aliba Kulgam district kübok Wanpoh yim anasa telungpurtem jagi Central Reserve Police Force (CRPF) sepaitem dak grenade onloktsü.

Grenade jagi parnok dak monshi aser lenmang tezülen apok.

Iba lendong nung CRPF pongu yirua mozükidangi anir ao.

Tang Kashmir nung longkak aitba ajanga tamajungtiba kongshiba tesemji Kulgam district lir.

July 8 nü sepaitemi Hizbul Mujahideen commander, Burhan Wani tepsetba sülen nüburtemi ita ka ser tesadang longkak aita sepaitem den raradang tajemba agi nisung 90 tashi süogo, aser parnok rongnung timbaka Kulgam nung asü.