J&K, Kulgam nung telungpur 2 khaset

Srinagar, August 03 (Agencies): Jammu & Kashmir, Kulgam district nung security sepaitem den khatepdang telungpur ana khasetogo, ta police-i ashi.
“Tanep Kulgam kübok Gopalpora tesem nung security sepaitem den raradang telungpur ana khasetogo,” ta police ketdangser kati ashi.
Paisa ashiba agi, telungpur ana rongnung kabo taküm May ita nung bank indang sen abenba gari amakba nung densema lir; iba tatalokba mapang nung police pongu aser bank guard ana tepseta liasü.
Tanep raraba tesem nungi sepaitemi prangpong ana ngutetogo, ta paisa metetdaktsü.