J&K, Kupwara district LoC nung telungpur asem kahset

Srinagar, July 12 (Agencies): Kashmir, Line of Control (LoC) nung telungpurtemi linük telungi aittsü merangba sentong sepaitemi nokdangteta Kupwara district, Keran sector nung telungpur asem kahsetogo, ta tanü army ketdangsertemi ashi.
“Ayaterm mapang Keran Sector LoC nung melung malemtsüsa nisung kar senzüa angu. Iba sülen telungpur denji kahtep tenzük,” ta army ketdangser kati ashi.
Ghonda ana shi kahtep aser anepdang bushiba mapang tasümang asem angu,” ta paisa ashi.
“Iba tesem nungjagi onoki AK rifle asem, magazine 12, injang 300, UBGL grenade ana aser raraba oset kar ngutetogo,” ta paisa shisem.