J&K nung Army convoy amakdang sepai 3 yiru

Srinagar, April 01 (Agencies): Honibarnü Jammu & Kashmir yimtiba, Srinagar nung aliba Parimpora-Panthachowk lenmang nung hospital ka anasa telungpurtemi army garitem amakdang sepai asem yiruogo.
Ajisüaka nisung asüamaba osang mali, ta police ketdangser kati ashi.
Tanü nikongdang 1:15 ako meta SKIMS Hospital Bemina anasa telungpurtemi army convoy ka amak, ta ketdangseri ashi.
Ketdangserisa, army convoy nung gari tesütibaji injang agi amak, aser sepaitemia telungpur dak injang kahloktsü.
Iba tatalokba sülen sepai asempronglaji anasa aliba sorkar hospital kati anir ao, aser sepaitemi telungpurtem mita odar, ta paisa shisem.