J&K nung CRPF 2 tepset 9 yiru

Jammu, Feb. 20 (Agencies): Honibarnü Jammu & Kashmir, Pampore tesem nung kiralongrartemi CRPF bus ka amakdang CRPF sepai ana tepset aser 11 yirutsüba sülen kiralongrartemji jena oa Entrepreneurship Development Institute (EDI) nung jenok.
Osang angazükba agi, kiralongrar tajemba agi parnok nisung asemi nisung 80 dak tema pua ayu, ajisüaka sepaitem parnok ajak kümzüka ainshidaktsüogo.
Kiralongrartem jagi iba tesem adena aoba CRPF tem indang official bus ka amak.
EDI building nung atsükoka alir kiralongrartem jagi maneni security sepaitem dak injang kahloktsüdar, ta police ketdangser kati ashi.
Iba tesem jagi police aser army tali yoksemogo.
Kiralongrartem jagi CRPF bus amakba sülen J&KEDI complex nung atsük. Iba mapang nungji EDI building nung kaketshir 100 dak tema entrepreneurship training tagitak liasü.
“Kiralongrartemji tang tashi Institute telung nungji atsüka lir aser sepaitem den kahtepdar,” ta police osang ajanga ashi.