J&K nung Eid sarasadem sülen nisung ana asü

Srinagar, September 13 (Agencies ): Kashmir nung district 10 prongla nung curfew ozüng benoka lir, ajisüaka tanü-a Kashmir tesem aika nung longkak aitertemi sepaitem dak long agi ona raradang lanur ana süogo aser nisung aika yiruogo.
Bandipora nung Muslim nunger ‘Eid’ sarasadem tembangli longkak aiter telok kati security sepaitem dak long agi aon tenzük, iba sülen sepaitemi tear gas shells aser pellet kahloktsü, ta police ketdangser kati ashi.
Ketdangserisa, Bandipora jila nung arishi küm 20 Murtaza Ahmed dak tear gas shell kati kahshiba sülen asü aser nisung aika yiru, ta ashi.
Ano Shopian district kübok Bonpora nunga longkak aitdang lanur ka tenüng agi, Shahid Ahmed asüba sülen South Kashmir tesem aika nung longkak aita sepaitem den raraa liasü.
Tanü lanur ana asüba züngsemabo tang longkak aita Kashmir rara nung ajak agi nisung 78 süogo.