J&K nung kiralongrartemi CRPF ka tepset, 3 yirutsü

Srinagar, June 24 (Agencies): Honibarnü Srinagar yimti kübok Pantha Chowk tesem nung kiralongrartemi Central Reserve Police Force’s (CRPF) sepai telok ka amakdang sepai ka tepset aser sepai ana densema nisung asem yirutsüogo.
CRPF ketdangser kati ashiba agi, tanü nikongdang 5:50 ako meta kiralongrartemi AK-rifles agi gari ka amak, aser iba mapang nung sepai ka den gari anisang injang agi yiru.
CRPF sepaitemia injang khaloktsü ajisüaka tang tashi nungbo kiralongrartem yiruba mesüra asüba osang mali.
Iba mapang nung sepai ana mejungi yiru aser civilian-a ka yiru.
Yirua aliba sepaitemi Badamibagh, Srinagar nung aliba sepai hospital-i anir oa yaridar.
Osang ajanga ashiba agi, kiralongrartemjai CRPF sepaitem amakba sülen jena oa Srinagar nung aliba school ka nung jenoka lir, aser sepaitemi iba school ji longbanga lir.