J&K nung lanur ka khaset, ka yiru

Srinagar, Rongjui/September 3 (Agencies): Tentonü Jammu and Kashmir kübok Pulwama district nung security forces aser longkak aitertem mangatettep adokba sülen security forces temi injang khalokja lanur ka khaset aser ka kanga mejungi yirutsü.
Pulwama kübok yimtsüngtem nung kiralongrartem arua munga aliba osang tejangja ka angazükba sülen security force temi yimtsüng 15 shi meita ao, ta police nung ketdangser kati ashi.
Meita aoba mapang nung lanur lokti kati tesem kar nung force dak long agi aon tenzük. Gusoo yimtsüng nung security force temi injang agi akhaba mapang lanur ana yiru, ta ketdangser kati ashi.
Iba sülen yirur ana ya Mozüki bushia anir ao, kong tena rongnung Fayaz Ahmad Wani, SMHS Hospital-i anir aotsü asoshi tetuyuba agütsü. Ajiüsaka Wani ya mozüki nung alidangsa süadok, ta paisa ashi.
Iba osang agütsüba mapang tashi nung security force aser longkak aitertem maneni mangatettep adoka aliba osang angazükogo, ta paisa maneni shisem.