J&K nung telungpur 2 kahset

Srinagar, September 18 (Agencies): Hokolbar anepdang züngia north Kashmir, Bandipora district kübok Gurez sector nung aliba LoC nung army temi telungpur ana kahsetogo.

“Gurez nung telungpurtemi litsü telungi aittsü merangba nokdangtetogo. Kilarongrar ana tepsetogo,” ta Defence otongdar, Lt Col NN Joshi-i ashi.

Pai ashiba agi, yasüng ayaterm mapang süir telungpurtem arrtsü adena aittsü merangbaji LoC nung tanükertemi anguba sülen parnok nokdangtet.

“Rara adok aser kahtepba mapang kiralongrar ana kahset,” ta Joshi-i ashi.

Iba tesem nungjagi AK-47 rifles ana nguogo aser bushisüngdang maneni südagi, ta paisa ashi.