J&K nung telungpur 4 kahset

Srinagar, November 23 (Agencies): Tanü Kashmir nung Kupwara aser Anantnag district na nung security sepaitemi mejangjaba telungpur pezü kahsetogo.
Hombar nikongdang Anantnag district, Asghmuqam tesem nung sepaitem den kahtepba mapang telungpur asem kahset, ta army ketdangser kati ashi.
Ano tatalokba balaka nung north Kashmir, Kupwara district nung security sepaitemi telungpur ka kahset, ta ketdangserisa ashi.
Telungpursangji Manigah nung aliba arem ka nung kahset. Iba tesem nung taoba hopta Colonel Santosh Mahadik telungpurtemi tepseta liasü, ta paisa ashi.
Telungpur aika lir ta osang angazükba sülen November 13 nungi tenzüka security sepaitemi Line of Control (LoC) anasa telungpur sashia mita odagi.
November 17 nü telungpur o security sepaitem na tsüngda kahtepba mapang telungpurtemi 41 Rashtriya Rifles nungi Commanding Officer, Colonel Mahadik kahseta liasü.